კერძო და საჯარო ბაღებში 1 მარტიდან სააღმზრდელო პროცესი განახლდა. კერძო და საჯარო ბაღები ვალდებულნი არიან დაიცვან სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით შემუშავებული რეკომენდაციები. რეგულაციების თანახმად, საბავშვო ბაღების მასწავლებლები და პერსონალი ვალდებულია კოვიდ-19 ტესტების ჩასაბარებლად დარეგისტრირდნენ საიტზე.
24 თებერვალს გამართული საკოორდინაციო საბჭოს გადაწყვეტილებით 1 მარტიდან აღდგება საბავშვო ბაგა-ბაღების ფუნქციონირება. პრემიერ მინისტრის, ირაკლი ღარიბაშვილის თქმით, სკოლამდელი აღზრდის დაწესებულებები, როგორც საჯარო, ისე კერძო, სააღმზრდელო პროცესს 1 მარტიდან განაახლებენ. სკოლამდელი დაწესებულებების ფუნქციონირების ერთადერთ წინაპირობას 2 კვირაში ერთხელ თანამშრომლების 20%-ის სავალდებულო ტესტირება წარმოადგენს. იხილეთ საკოორდინაციო საბჭოს გადაწყვეტილებები საბჭოს გადაწყვეტილება.
